Ieong Kin Pong

LIFE。

今天同友人去左赤柱學獨木舟, 好耐無去過赤柱, 今日一去, 感覺的確唔同。唔同o既係而前會係一班人去, 今次得兩個, 講o既野, 行o既路, 諗o既野都完全唔同, 唔再係只為開心而去玩咁簡單。
不過赤柱真係靚

巴士上的留影, 水壩

去到就正式上堂啦!!
成班有8個人, 5男3女, 無影佢地相, 各位男士唔好問我個3女靚唔靚啊, 有冇問電話個o的野啦
先落水用水划……相當難控制, 經常係度自轉=.=
再用…..個隻字唔識打唔記得點寫……用住掌先啦……極辛苦!!!!!!o的水o既阻力太強, 划到起哂水泡……手臂又支力……我地划得好遠下, 划到對岸泳灘!!!!!!!
8個人經過左5個小時左右o既密集式訓練, 大家始終都係划唔到條直線, 依然會係度自轉, 撞船, 撞掌……我個頭食左某小朋友3掌, 痛
最後有反艇o既環節, 個個都要做……吸左幾淡海水……好采聖士提反灣o的水都ok, 對岸就真係……最唔明點解反艇要好似佢咁做, 我相信我會abandon the ship!!!
at last個個無哂力咁滯, 連搬獨木舟o既力都差o的無……不過都係要搬

個度真係幾靚

呢幅相意外影落, 我幾鐘意

走人的小巴站
完左之後, 我同raymond(<-上面o既友人)佢行落赤柱廣場, 約行半小時左右~我覺得最正就係咁行, 面對一個陌生o既地方就街咁撞下unplanned, 見下多o的唔同o既地方, 睇下, 行下, 比起行街買野o既意義更大。我識o既人, 好多一有錢就即刻買哂3啊袋啊咁……我覺得, 用黎週街行下仲好, 仲有意義。生活唔係要依靠物質同娛樂。趁自己有力, 仲係後生細仔, 行多o的, 行o既時候對自己見到o既一切思考一下, 都可以好有趣……自己一個人行完全唔係一個問題。我同好多人講過, 唔識路就週街撞, 好有趣。但, 認同o既人唔多, 更加無人會一路行一路睇一路諗…..好采友人就是這樣的一個人。
對於我, 生活的趣味與意義都可以係好少o既事情裡面揾到。所以, 我好少有唔開心o既時間。
所以我覺得, 旅程快樂與否, 唔係睇咩人陪你去, 有咩玩……去一個赤柱, 可能比我上一次去台灣開心。唔係話上次去台灣唔開心, 只係開心o既類型, 程度都有所不同。台灣之旅, 真的只有表面的快樂, 沒有很大心靈上的觸碰。

不過, 大家去旅行都要叫我啊, 表面的快樂,   我也要!!!!!!!!!!!!!!!!!!!!!!!!